Sunday, September 28, 2014

जवाफ
                                              आस्था केसी
टक्क रोकिए हुन्थ्यो
यो सिरसिर बहिरहेको पवन ।
यो निष्ठूरी समय
र यो मेरो मन् ।।

तिमी नजिकै छौ
र पनि कति टाढा छौ ।
खोजिरहन्छ मन् हरपल हरपल
तिम्रै निकटताको मिठो एहसास ।।

बगिरहेको यो कञ्चन पानी जस्तै
बहिरहेको यो निर्मल हावा जस्तै
हलुका पारेर आफूलाई
रित्तो रित्तो हुन मन् छ
रित्ताएर आफूलाई यतैकतै तिमीभित्रै
पूनः भरिन मन लागेको छ ।।

तिम्रो यति प्रिय सानिध्यतामा पनि
किन मन भागिरहन्छ आफै संग
तिमीबाट टाढा भागेर पनि
फेरी किन खोजिरहन्छ तिम्रै सामिप्य ?

जवाफ खोज्दा खोज्दा आजित छु ।
निष्ठूरी मलाई माफ गर
के तिमी संग यसको जवाफ छ ?

समाप्त

नारी नै नरहँदा संसार के चल्छ र !

छन्द कविता आस्था केसी |  #आस्था केसी |  १ सृष्टिको लहराउँदो सलिलता संसारमा शोभित आकाशैभरी चम्किने लहरमा झुल्किन्छ तारासित कोखैभित्र चलायमान ...